SINOPSIS
Mumet, judheg, bingung, anyel, jengkel, ngono sing dirasakake
jroning penggalihe sinuwun Prabu silukrama raja ing sindureja. Anyel ora sebab
kagol pepenginane. Judge ora sebab meng galih kisruhing Negara. Bingung ora
amar ga ngadhepi reruwet sing angel diwudhari. Penggalihe prabu silukrama usreg
njalari yen awan angel dhahar lan yen bengi angel sare. Satemene prakarane
sepele, nanging dadi gedhe sebb tumuli thukul rantaman anyar jroning penggalih
kang tumus marang dumadining lelakon.
Sinuwun prabu silukrama kagungan putra angkat kang jinunjung dadi
senapati Negara sindureja. Ora kanyana jebul putra angkat sing asma raden
Sidapeksa mau kagungan garwa huwayuu banget kang asma dewi Sri Tanjung, kalebu
kang wayahe Begawan Tambrapetra ing Padhepokan Prangalas. Ya merga ayune dewi
Sri Tanjung ngungkuli prameswai nata iku kang mula ndadeake angan-angene
srinata dadi usreg lan penggalihe dadi umyeg. Ah, putri sing ayune kaya ngunu
iku kudune ora ginarwa abdi dalem senapati, pantese ya dadi prameswari nata. Mula
saka iku prabu Silukrama ngothak-athik penggalih amrih bisa ngrebut dewi Sri
Tanjung saka regemane raden Sidapeksa, garwane, bakal jinunjung dadi prameswari
nata, angrenggani purulayaning tiyas
anggana jati ing Sindureja.
Sapungkura raden Sidapeksa sowan batara Ghandi, Prabu Silukrama
kepareng rawuh nglangke menyang ksatriyan nemoni dewi Sri Tanjung. Kanthi
memalatsih srinata niyat ngrimuk ngglebuk lan mblithuk amrih atine dewi bisa di
luk. Ananging Sri Tanjung kadung tresno marang Sidapeksa.
Raden Sidapeksamatur sendika, nuli gegancangan tumurun menyang
ngarcapada jumujung jroning kraton sindureja, marak marang ngersane prabu
Silukrama. Srinata kagyat geneya Sidapeksa ora kasendhal-mayang ing Kahyangan,
kathik bali wutuh bagas waras? Nanging kagete Srinata bisa sinamun ing samudana
malah cepet luru arti sampeka mrih bubrah brayate sang Sidapeksa. Prabu
Silukromo mitenah Sri Tanjung lakujina kalawan wong pidak pedakan.
Brol ! Muntap dugakene sang Sidopeksa, nuli gegancangan kundur
menyang kasatrian. Ora weruh sangkaning bilahi kusomo ayu Sri Tanjung kang
sakawit bingah mergo rawuhing garwo, jebul malah nuli linarak pinulasoro dinowo
menyang alas setro gondromayit arep kaperjoyo sinurung derenging bramantyo
raden Sidopekso mentolo nyedani garwo sarono curiga. Getih muncrat aggodo
wangi, hanyarengi uncating nyowo. Unarpa gilang-gilang kawelas arso, nanging
sapundurat ilang saka pandulu. Raden Sidapeksa jegrek podo sakala dupi uninga
gondo arum wangi angambar.
NASKAH DRAMA
ADEGAN I
Prabu Silukrama : sidapeksa! Sira ngerti opo sanguine wong ngawulo
ratu?
Sidapeksa :
nun inggih sinuwun ngawula dhateng narendra mekaten kedah kanthi manah ingkang
mantep saha setya lahir tumusing batin. Bebasang ajur sinawurna saha putung
binalangna kedah sumanggem ing karya sauger kagem kaluhuraning asma nata.
Prabu Silukrama :
bagus! La iki ngene sidapeksa. Sira aja wedi kangelan sowana pukulun bathara
Gandhi. Matura yen ingsun utus marak panjenengane saperlu nyuwun cupu manik
kencana kagungan ingsun sing biyen kapundut ngampil dening hyang suranata.
Kajaba iku, layang iki aturna pukulun bathara Gandhi kanggo sarana lakunira
kasembadaning karya!
Sidapeksa :
sendika sinuwun pangestu paduka kawula suwun.
Prabu Silukrama : hambanyumili pangestuku muga rahayu salakumu!
ADEGAN
II
Prabu Silukrama : sri tanjung, apa sira wis
Sri Tanjung :
sinuwun pinesthining jodho menika mboten gumantung dhateng drajat pangkat saha
semad. Nanging cocoging manah saha gathuking katresnan mujudaken srananing
jejodhoan.
Prabu Silukrama :
ngene ya sri tanjung. Mulane garwamu tak utus menyang kahyangan iku tangeh
lamun bisa bali menyang ngarcapada. Mula saka iku ingsun teka mrene iki niyat
mboyong sira sun ajak mlebu menyang datulaya. Sepisan kanggo njaga keslametanmu
ing atase wanita kathik ana ndalem ijen. Kapindhone ingsun ngresakkake sira
ladeni jer paraning katrisnanku uga tumuju marang sira. Malah, yen sira mathuk,
tinimbang sira ngarep-arep tekane sidapeksa kang ora bakal bali, becik sira tak
sengkakkake ing ngaluhur, sun angkat dadi pramiswariningsun kang angka loro.
Sira bakal luwe kajen keringan kathik sinembah-sembah dening wong sak Negara!
Gelem ya sri tanjung! Gelem ah…!
Sri Tanjung :
duh sinuwun. Nistha temen sritanjung menawi nuruti kersa paduka. Sae kula pejah
alampah sati menawi sampun jelas kakang sidapeksa murud dhateng kasidan jati
awit paeka paduka ingkang nan dukaken karti sampeka. Awit katresnan kula mligi
kagem kangmas sidapeksa.
Prabu Silukrama : yen sira dakrudapeksa?!
Sri Tanjung :
sae kula nglalu lampus dhiri menawi ngantos paduka rudapaksa, sinuwun.
Prabu Silukrama :
uh, lagi sepisan iku ana raja ora kasembadan sedyane! Yoh, sri tanjung! Ingsun
duwe panguwasa, ora angel nan dukake pitenah marang sira!
ADEGAN
III
Bathara Gandhi :
Heh, sidapeksa! Sira manungsa ora tata dene kumawani arep ngrusak kaswargan!
Apa wis
Sidapeksa :
Kula mboten lepat pukulun! Raden sidapeksa sesambat isining nawala menika
naming pitenah … kula babar pisan boten niyat ngrisak kaswargan… dhuh rama
nakula… Dhuh para pepundhen pandhawa… kula pejah tan uniga dununge lepat kathik
kapidana.
Bathara Ghandi :
Apa? Geneya sira sesambat marang raden nakula sumendining para pandhawa?
Kapernah apa kowe?
Sidapeksa :
Kula mila putranipun kanjeng rama nakula, sumendhing para pandhawa pukulun…
Bathara Gandhi :
Oh, oh, titah pujangkara, angger. Apuranen luput ulun. Ulun yakin lamun trah
pandhawa ora bakal duwe osik ngrusak kaswargan. Bener tuturira kaki, lamun sira
kena pitenahe ratu gustimu prabu silukrama. Mula becik sira baliya marang
Negara sindureja., aturna cupu manik-kencana marang silukrama!
ADEGAN
IV
Prabu Silukrama :
Sidapeksa. Banget bungah athiku dene kowe wis
ADEGAN
V
Sri Tanjung :
Duh kakang. Lupuku apa, dusaku apa dene mara-mara sira siksa kaya ngene?
Sidapeksa :
Heh, Sri tanjung leletheking jagad, sesukering bawana! Ayumu mung ana ing tata
lahir, nanging batinmu reged ngungkuli peceren. Sira wis wis
Sri Tanjung :
Oh, kakang. Dadi genahe si kakang butarepan ngono ta? Pandakwamu kliru kakang!
Uripku, bektiku lan katresnanku among mligi kanggo panjenengan! Aku babar pisan
ora nindakake pakarti nistha iku.
Sidapeksa :
aja kakean wuwus heh, sundel! Keris ing tanganku iki sing bakal ngoncatake
nyawamu.
Sri Tanjung :
Aku ora duwe kekuwatan kakang, bisa wae kok pateni. Nanging titenana, yen
sawise aku mati ana ganda banger bacin, ateges aku temen-temen laku sedheng
cocok kalawan pandakwamu. Dene yen mengko ana ganda arum wangi cetha aku ora
nindakake laku nistha iku, ateges pandakwamu sing salah!
ADEGAN
VI
Bathara Gandhi :
titah ulun ujangkara ngger kulup sidapeksa. Pagene sira kadhuk ati kajeron rasa
dene nganthi tega nglunasi urip peparinge hyang kang maha kawasa, kulup?
Sidapeksa :
duh hyang premoni bathara Gandhi pedah menapa kula gesang nanggung dusa ageng
dene sampun kelajeng mejahi sisihan kula sri tanjung ingkang mboten lepat. Duh
pupulun mugi kabanjuta kewala kula ingkang gesang tanpa guna.
Bathara Gandhi :
wruhanira kulup. Iki dina garwa nira nini sri tanjung isih urip, ana padhepokan
prangalas kumpul kalalan keng eyang Begawan tambrapetra. Mula age biraten
petenging tyasira lan di enggal tekoa padhepokan prangalas.
ADEGAN
VII
Sidapeksa :
heh, raja silukrama! Diage metuo menyang alun-alun, tandingana aku raden
sidapeksa sing niyat nugel janggamu! Sebab kowe wis
Prabu Silukrama :
wis
Sidapeksa :
aja kok undang sidapeksa yen ora bisa nugel gulune silukrama!
Tidak ada komentar:
Posting Komentar